Kidambi Srikanth a chak lo

Badminton inelna Indian Open-ah tualchhung player langsar an che fuh thei meuh lo. Mipa singles lama India beiseina Kidambi Srikanth chu Viktor Axelsen lakah 21-14, 21-19 in a chak lo a ni.

Srikanth hi a khelh ṭhat lai chuan world number 1 dinhmun pawh a luah hial. Mahse, tun hnaiah a tlahniam hle - season hmasa bikah phei chuan a taksa a inpeih thei meuh lo, result a neih ṭhat loh avangin ranking sang zual 10 zingah pawh a awm phak lo.

Hmeichhe singles lamah pawh PV Sindhu chu Supanida Katethong lakah 14-21, 20-22 in a chak lo. Olympic medal vawi hnih dawng tawh hi hneh nei loin a match hmasa berah a zinkawng a tawp nghal tihna a ni.

Kar hmasa mai khan Malaysia Open-ah Sindhu hi hneh nei loin a lo tla tawh bawk, amah ang bawka world number 1 hlui Carolina Marin a ngam lo, tournament pahnihah a zawnin hneh a nei lo, insiamṭhat a mamawh takzet.

Indian Open-ah hian lawmman atan Rs 7,32,26,970 sem ral a ni ang.