Proteas batter Amla a chawl

South Africa tana Test match-a run siam tam ber dawttu Hashim Amla chu kum 39 mi niin cricket khelh a chawlhsan. Amla hian Test match-ah 9,282 runs a siam a, Jacques Kallis (13,206 runs) chauh a tluk lo.

Amla hian kum 2004 aṭang khan Proteas tan a khel ṭan a, 2019 thleng ram tan a khel. South Africa tan Amla hian ODI-ah century vawi 27 siamin an ram record ding lai a ni.

Kum 2012 khan Oval-ah Amla hian thi loin 311 runs a siam a, South African zinga Test match vawi khata run siam tam ber a ni bawk. Kum thum liam ta khan Amla hian ram tana inkhelh a chawlhsan tawh a, County Championship 2022 khan Surrey team champion puiin tunah chuan cricket inelna a mangṭha ta.