FA Cup: Leeds an tlang

Premier League club Leeds United chuan FA Cup third round replay-ah Cardiff City chu 5-2 in an hneh a, fourth round an inhlangkai - kum 19 mi Wilfried Gnonto leh Patrick Bamford ten goal hnih ve ve an khung a, Bamford hi a hliam dam hnuah bench aṭanga vawi hnih lutin, goal thum a khung leh der tawh.

Leeds tan hian Rodrigo chuan goal khat a khung ve bawk a, Cardiff tana Callum Robinson-a goal hnih khungin awmzia a nei lo - a goal hnuhnung zawk hi Leeds United midfielder Marc Roca handball vanga penalty aṭanga a khung a ni.

Championship club tan hian Curtis Nelson chuan goal a khungah inngai mah se, video assistant referee hmanga en a nih hnuah, offside vangin pawm a ni lo a, 2016-17 season hnua a vawi khat nan Leeds-in FA Cup fourth round an lut.