Tsitsipas leh Murray an chak

Australian Open 2023 khelh laiah seeded pathumna Stefanos Tsitsipas chuan nimin khan Tallon Griekspoor hnehin fourth round a inhlangkai, player la dam lai zinga seeded sang ber hian world number 63 hi 6-2, 7-6 (7-5), 6-3 in a hneh.

Greek tlangval Tsitsipas hian a vawi khat nan Grand Slam nomawi chawi a beisei mek, tun tournament khelh laiah hian set a la hloh miah lo. A match lehpekah chuan Jannik Sinner a hmachhawn dawn, inkhel a hmuhnawm ang.

Inkhel dangah Sinner hian Marton Fucsovics chu 4-6, 4-6, 6-1, 6-2, 6-0 in a lo hneh ve bawk. Seeded 15-na Sinner hian tennis a khelh chinah set hnih a hloh hnua a chak let leh theihna hmasa ber a ni hial.

Ningani zan khan Andy Murray chuan fiahna hautak a paltlang. British tlangval hian set hnih a hloh hnuah Thanasi Kokkinakis chu 4-6, 6-7 (4-7), 7-6 (7-5), 6-3, 7-5 in a hneh, darkar nga leh minute 45 chhung an inkhelh hnuah Murray a chungnung.

Grand Slam vawi thum champion tawh Murray hian a match hmasa zawkah pawh set nga a khel, a khel bawr hliam a dam hnuah tun ṭum hi inelna lian leh hautak a khelh ṭhat ber ṭum a la ni - vawiin tlaiah Roberto Bautista Agut nen an inkhel leh dawn a ni.