Palace tlawh tur Magpies

Newcastle United-in season ṭha tak an hmang a, season thara Champions League khel thei dinhmunah an ding. Zanin dar 11:00 hian Eddie Howe-a hote hian Selhurst Park an tlawh dawn a, Crystal Palace an hmachhawn dawn.

Patrick Vieira hoten kar laihawlah Champions League khelh tum tho Manchester United an chelh tawh a, Magpies tan point thum a chiang mai bik lo.

Newcastle hi tun season-ah vawi khat chiah an la chak lo a, Liverpool an hneh lo. Magpies chak loh hi nikum August 31 daih tawh kha a ni a, Howe-a hote hian kum 2022 pawh an khar ṭha - match ruk an chak zawn.

Tun hnai match thumah erawh Newcastle hi vawi khat chauh an chak a, point kua hmuh theih aṭangin point nga an hmu. Season thara UCL khel turin holam taka point hloh a thiang tawh lo a, Eagles hi an hneh ngei a ṭul ang.