Mizoram Fight Night - aruh no an chhuak zel

21st January, 2023

GIG Motors Mizoram Fight Night 2023 chu MIZBA Boxing Hall, Ramhlun Sports Complex-ah khelh chhunzawm zel a ni a, boxer tawnhriat nei tlem deuhte an chak loh deuh zel avangin inhnek a hmuhnawm chho ṭan.

Inelna hi Aizawl District Boxing Association leh Zonet ṭangkawpin an buatsaih a ni a, zanin hian zan rukna khelh a ni ang. Mizoram Fight Night hi Zonet Rihnim, Zonet HD leh Zonet YouTube-ah te a en theih. YouTube hmanga en tur hian Zonet YouTube channel-ah member nih a ngai a, member nih man hi Rs. 89 a ni.