Mumbai-in NorthEast an sawp

Indian Super League-ah Mumbai City dang thei an la awm lo - Ningani zan khan Mumbai hian NorthEast United chu 4-0 in an sawp a, Ahmed Jahouh, Jorge Diaz leh Vinit Rai ten goal khat ṭheuh an khung a, Alex Saji chuan an lamah a tilut bawk.

Argentine striker Diaz hian penalty hmangin goal khung belhna hun nei mah se Highlander keeper Mirshad Michu chuan a dansak a, Lallianzuala Chhangte chuan goal khung lo mah se goal hnih chu a thawhchhuah a ni.

Vaivakawn tlangval Lalengmawia Ralte (Apuia) pawhin Mumbai tan bul a ṭan a, Rochharzela chu NorthEast tan bul ṭan mah se a inlan rei lo.