Vawiinah India Vs New Zealand

Vawiin chawhnu dar 1:30 hian India leh New Zealand ten Rajpur-ah ODI match hnihna an khel dawn. Men in Blue hian ODI hmasa zawkah hnehna an chang tawh a, tun ṭum series hi match thum khelh tur a nih avangin Rohit Sharma hote hian hnehna an chang a nih chuan series an la dawn.

India captain hlui Virat Kohli-a'n ODI-ah century vawi 46 a siam tawh a, Sachin Tendulkar-a record tlukpui turin vawi thum siam a la mamawh. Kohli hian Kiwis hmaa Sri Lanka nen an inkhelh ṭumin century ṭum hnih siam mah se New Zealand nena an inkhelh hmasak ber ṭumah erawh run riat chauh a siam.

Tun ṭumah hian T20 ranking no. 1 Suryakumar Yaday chu ODI team-ah a tel a, match hmasa zawkah 31 runs siamin a theihna tak a la pholang lo. SKY hian ODI-a hming chher lehzual turin tun aia chet ṭhat hi a la mamawh a ni.