NE Derby-ah Aizawl FC an chak lo

Khuman Lampak Main Stadium-ah Neroca-in Aizawl FC an mikhual a, Mizo club hian goal khung hmasa mah se mualneitu hian 2-1 in an lehthal.

Inrinnia I League inkhelah hian first half-ah goal a lut lo a, R. Ramdinthara leh Henry Kisseka ten chance ṭha an hlah. Second half minute 56-naah R. Lalthanmawia'n freekick aṭangin a pet goal a, Amawia freekick petna hi hla mah se ball a kum miau avangin Neroca keeper Soram Poirei dem theih a ni lo.

AFC-in RG Stadium-a an hneh tawh Neroca hi an hneh nawn turah ngaih ni mah se an ṭang tluan thei lo. Mirjalol Kosimov chuan minute 76-naah Tharpuia tauh chhuah ṭhat tawk loh chu Mirjalol Kosimov-a'n kawh zetin a volley goal.

Neroca an phur chhun­­zawm a, minute 82-naah Jourdaine Fletcher-a'n box pawn aṭangin a pet goal. Hun tawp thleng­­in inkhel boruak a ṭang a, goal a luh belh loh avangin Neroca 2-1 in an chak.