Mizoram basketball team feh chhuak

India ram huap basketball inelna 72nd Junior National Basketball Championship khelh laiah Mizoram team an feh chhuak a, tukin dar 8:00 hian an group match hnuhnung ber atan Uttarakhand an hmachhawn ang.

Mizoram hi North East champion an ni a, hei vang hian NE aiawhin Bengaluru, Karnataka-ah an feh chhuak a ni. An match hmasa berah Delhi chu 88-63 in an hneh a, nimina an match hnihnaah Tamil Nadu chu 88-71 in an ngam lo thung.

Mizoram coach H. Lalhruaitluanga chuan, "Group match hnuhnung bera kan chak chuan quarterfinal kan la lut thei, kan chak lo a nih erawh chuan group dang aṭanga knock out stage lut phak lo dangte nen ranking point hmuh tumin kan inkhel ang," tiin Vanglaini a hrilh.