MFA Vice President a thi

Mizoram Football Association honorary vice president Er. F Lalrinpuia chu January 20, Zirtawpni zan khan cancer natna vangin a thi.

MFA hruaitu hlun Er Rinpuia hi 1989-ah MFA Office Bearer a ni ṭan tawh a, sorkar hnathawhna avangin hmun hrang hrangah awmin hruaitu aṭanga a chawlh châng awm mah se a thih ni thlengin MFA hruaitu a ni.

Eizawnna lamah Engineer in Chief, Power & Electricity Department niin a hnathawh chhung zawng hian a awmna apiangah football buaipuitu a ni zel a, tun hmaa Power Department Sporting Club awmlai pawha hruaitu ni reng ṭhin a ni.

Mizoram Volleyball Association-ah pawh President ni tawhin kum 2017-2020 chhung khan Mizoram State Sports Council-ah Finance Secretary a ni bawk a; MFA-ah post hrang hrang chelh tawhin Honorary Vice President a nih mêk bakah Technical Committee Chairman a ni bawk.

MFA chuan, "Football tana mi inpe, a hun leh sumte ui ngai lo, kan hruaitu hlun leh kan hotupa kan chân ta hi pawi kan ti takzet a ni. Er Lalrinpuia'n a kal san takte tan Pathian thlamuanna kan dilsak e," tiin thuchhuah an siam.