Lacazette-a'n hattrick a siam

Arsenal captain hlui Alexandre Lacazette chuan Lyon tan hattrick a siam a, a club hi Chambery lakah 3-0 a chak puiin French Cup khelh laiah last 16 a luh pui.

Lyon khingpui Chambery hi fifth division club an ni a, player neih dan chhutin Lyon nena inkhing tawk tur an ni lo. Chutih rualin Lacazette goal khung pathum erawh mimal tih ṭhat vang a ni hlawm.

Laurent Blanc-a enkawl Lyon hian French Cup an lak hnuhnung ber chu 2012 daih tawh kha a ni a, kuminah champion leh an tum mek. Ligue 1-ah erawh pakuana an ni mek a, league title beisei ngam a ni tawh lo.