Kiwis-in India bowler an ngam lo

23rd January, 2023

India chuan Inrinni khan an mikhual New Zealand chu wicket riatin an sawp. ODI match thum khelh turah Rohit Sharma hote hian vawi hnih hnehna an chan tawh avangin series an la chiang tawh a, January 24, Thawhlehni hian match hnuhnung ber an khel leh ang.

Rajpur-a inkhelah New Zealand top order-te an che ṭha lo a, batting line up-a hmasa panga zingah 10 runs siam tling an awm lo. Glenn Phillips (36), Michael Bracewell (22) leh Mitchell Santner (27) te dinhmun rawn tiziaawm mah se over 34.3-ah an thih fai vek avangin 108 runs chauh an siam.

India bowler Mohammed Shami (18/3), Hardik Pandya (16/2) leh Washington Sundar (7/2) te zarah batter tan hna a awlsam. Rohit Sharma-a'n 51 runs a siam bakah Shubman Gill-a'n thi loin 40 runs a siam a, over 20.1 lekah 111/2 runs siamin target an umpha a ni.