Playoff khel tur Hyderabad

Hyderabad FC chuan Zirtawpni zan khan 2-0 in East Bengal an hneh a, league match nga khelh tur la nei mah se playoff an khel dawn tih a chiang - hmahruaitu Mumbai City chuan an khel dawn chiang tawh bawk.

Hyderabad tan Javier Siverio leh Aaren D'Silva ten goal khat ve ve an khung a, East Bengal-in a chhanletna tur an nei lo - Kolkata club tan Lalchungnunga'n inkhel bul ṭanin, Jerry Lalrinzuala chu bench aṭangin a lut bawk.

Inrinni zan khan Chennaiyin FC leh ATK Mohun Bagan chu 0-0 in an inhnehtawk a, Bagan tan K. Lalṭhathanga'n inkhel bul ṭan mah se a club thar tan danglamna a la thlen thei rih lo.

Nizan khan ISL FC Goa leh Kerala Blasters inkhelin, result kan hre hman lo a, zaninah inkhel a awm lo ang.