AMC Inter Ward Football Inelna

Aizawl Municipal Corporation (AMC) leh Aizawl DFA te ṭangkawpin February 8-24, 2023 chhung hian AMC Inter Ward Football Tournament a buatsaih dawn. Inelna hi Aizawl kum 133-na a tlin lawmna atana buatsaih a ni.

AMC hnuaiah hian Ward 19 a awm a, entry fee hranpa awm loin ward tel duh apiang tan a tel theih. Team khatah hian player 25 leh coaching staff panga an awm a, knockout hmanga khelh a ni ang.

Inelna hi RG Stadium-ah khelh char char a ni dawn a, February 3-ah Kickoff neih a ni ang a, February 8-ah match khelh ṭan a ni ang. Final hi ruahman dan chuan February 24-a khelh tur a ni.

Champion team hian Rs 1,50,000 an dawng dawn a, pahnihnain

Rs 80,000 an dawng bawk ang. Ward 19 zingah ward pali chiahin Aizawl DFA hnenah an tel tur thu an la tichiang a, chutihrualin la tichiang lo zingah training ṭan tawh an awm thung. Inelna hmachhawn tur Ward-ten Aizawl DFA honorary secretary Lalbiakhlua (96123 32318) hnenah inhriattir tur a ni.