Quarterfinal-ah Sabalenka a lut

Australian Open khelh laiah Aryna Sabalenka chuan Belinda Bencic hnehin quarterfinal a lut. Sabalenka hian Melbourne Park-a inelna lianah hian last 16 a paltlang vawi khatna a ni a, a tan chuan tawnhriat thar a ni zel dawn.

Rod Laver Arena-a inkhelah player pahnih an inbei tawk hle, mahse set khatna tawp dawnah Bencic chesualin double fault a nei a, set hloh zuiin set hnihnaah pawh a chet fuh loh phah chhunzawm ta zel a ni.

Last 16 inkhel dangah vawi hnih champion tawh Victoria Azarenka chuan Zhu Lin chu 4-6, 6-1, 6-4 in a hneh. Seeded 24-na Azarenka hian United States nula Jessica Pegula a hmachhawn leh dawn, inkhel a hmuhnawm ang.