Hockey World Cup aṭangin India an tla

FIH Hockey World Cup thlengtu India chuan Pathianni khan last 16-ah New Zealand an hneh lo a, mahni ram ngeia World Cup champion beiseina a tawp.

Kalinga Stadium, Bhubaneswar-a inkhelah India hi chak tura rinkai zawk an ni a, New Zealand lakah pawh hian Lalit, Sukhjeet leh Varun te hmangni ṭum thum ngawt hma an hruai. Amaherawhchu Black Sticks hian Lane, Russel leh Findlay te hmangin siphurh an sut vek.

Penalty shootout-ah pawh team pahnih an inhnehtawk a, player pariat ve ve an pen chhuah zawhah pali ve vein hlahin an la inhnehtawk. A pakuanaa India tana pen chhuaktu Shamsher-a'n a hlah laiin New Zealand aiawh Lane-a'n a khung ta si avangin inelna thlengtu an tla.

Bharat Army hian Hockey World Cup bikah hian 1975 Kuala Lumpur-a an champion hnuah group stage-ah an tla chho char char a, kum 2018 khan quarterfinal thlengin kuminah group stage an pel ṭawk a ni.

Hockey World Cup-ah hian champion lai chu Belgium an ni a, India hnehtu New Zealand hian quarterfinal-ah Belgium an hi an hmachhhawn dawn. Final hi January 29, 2023-ah khelh a ni ang.