Semifinal-ah Khachanov a lut

Karen Khachanov chuan a vawi khat nan Australian Open semifinal a khel dawn. Nimin quarterfinal inkhelah a khingpui Sebastian Korda chu hliam vangin a inkhel tluan thei lo a, a tlang theih phah a ni.

Rod Laver Arena-ah Khachanov hian 7-6 (7-5), 6-3, 3-0 in hma a hruai mek, hetih lai hian Korda hi a banrek a hliam. Set thumnaah game hmasa pathum a hloh tawh a, set hmasa pahnih a hloh bawk avangin hliam nei lo pawh ni se beisei a nei tlem.

Russian tlangval Khachanov chuan, "A chak zawk ni mah ila kan khingpuite an hliam a nih chuan a nuam famkim thei lo. Sebastian hian a match hmasa lamah ka ṭhiante pahnih Daniil Medvedev leh Hubert Hurkacz te a hneh.

"Player ṭha leh theihna nei sang a ni a, tun inelna a hmang ṭha hle bawk," a ti. A hneh tak Korda hi Australian Open 1998 champion Petr fapa a ni a, stadium a chhuahsan dawnin mipui lamin ding chunga kut beng chungin an thlah.

Khachanov hian seeded pathumna Stefanos Tsitsipas leh Jiri Lehecka inkhela chak zawk a hmachhawn ang.