Kenkre-in Sreenidi an barakhaih
Thawhṭanni khan I League table mawng lama awm Kenkre chuan table chunglama awm Sreenidi Deccan chu 2-1 in an hneh. Sreenidi hian hmahruaitu nih theihna hun ṭha an bawhpelh a, point 25 hmuin table chung ber luahtu RoundGlass Punjab chu point khatin an pha lo.
Cooperage Ground, Mumbai-ah Kenkre-in minute 75-naah Aman Gaikwad-a penalty hmangin hma an hruai a, minute hnih hnu lekah Sreenidi-in Ogana Louis hmangin an sut. Minute 90-naah Ahmed Faiz Khan-a'n mualneitu tan a khung a, Kenkre 2-1 in an chak.
I League champion hian season tharah Indian Super League an khel dawn a, table chunglam team-te point hmuh a la inthlau lo hle. Table mawngphaha awm Sudeva Delhi-in point hnih chauh an la hmuh avangin an relegate ngei a rinawm tawh a, amaherawhchu pahnih relegate tur a nih avangin point 13 hmu tawhtu Kenkre pawh tla thei dinhmunah an ding.