Tlarhma ṭha, tlarhnung ṭha lo

Zanin dar 11:00 hian Bundesliga-ah Borussia Dortmund-in Mainz an tlawh dawn. Dortmund hian kartawp khan Augsburg chu 4-3 in an hneh a, defender Nico Schlotterbeck chuan, "Tlarhma ṭha, tlarhnung ṭha lo," tiin an team chungchang a sawi.

Dortmund hian nuam sa zawka hnehna an chan theih nan tlarhnung an tihphui a ṭul tawh ang. Augsburg an hneh ṭum hian English player pahnih Jude Bellingham leh Jamie Bynoe-Gittens ten goal an khung ve ve.

Cancer ngamtu Sebastian Haller pawh minute 62-naah a rawn lut a, Youssoufa Moukoko a rawn thlak. Kum 18 mi Moukoko hian tun hnai khan Dortmund-a a contract neih lai chu kum 2026 thleng a pawtsei.