Russian football team an hrem chhunzawm

Russia-in Ukraine an la run chhunzawm avangin UEFA-in Russian football team chu inelna hmachhawn thei lo turin a hrem chhunzawm. Kumin UEFA Super Cup hi Kazan-a khelh tur a ni a, Russia hremna an chhunzawm avangin an thleng dawn lo.

Super Cup hi August 15, 2023 hian khelh tura ruahman a ni a, tun season Champions League leh Europa League champion-te inkhelhna tur a ni. Amaherawhchu Kazan-in a thlen theih dawn loh avangin UEFA-in a thlengtu tur a ngaihtuah ṭhat a ṭul ang.

Nimin khan Russian Football Union (RFU) hruaitu leh UEFA hruaitu an inhmu a, hremna erawh an hlih mai a rinawm loh. Nikum February thla aṭang khan Russia hi ram leh club inelnaah tel an rem ti lo. RFU president Alexander Dyukov erawhin World Cup an khelh theih nan qualifier khelh theih a pawimawh thu a sawi.

Nikum kum tawp lam khan Russia hian UEFA aṭanga inhnuhdawh a, Asian Football Confederation (AFC) zawm an tum a, an tumna hi an puitlin thei ta lo a ni.