T20 Cricketer of the Year SKY

Suryakumar Yadav chuan kum 2022 chhungin T20 innings 31 aṭangin 1164 runs a siam a, a strike rate pawh 187.43 a tling pha hial. India batter SKY hi kum 2022-a T20 Cricketer of the Year atan thlan a ni.

Kum 32 mi SKY hi Uttar Pradesh-ah September 14, 1990 khan a piang a, a pa hnathawhna avangin kum 10 mi lek a nihin Mumbai-ah an pem. Mumbai khawthler aṭanga cricket khel ṭanin Ranji Trophy-ah hming a chher chho a, kum 2012 khan Mumbai Indians-ah inziaklutin IPL-ah match khat chauh inlanin run a siam lo.

Kolkata Knight Riders-in kum 2014 IPL auction-ah an lalut a, SKY hian Knight Riders-ah hmun pawimawh chang chhoin vice captain te an ni chhho hial. Kum 2018 IPL auction-ah Mumbai-in an la let a, an leina pawh nuai 320 a ni tawh a, nikum khan Mumbai-in SKY hi nuai 800-in an chelh.

SKY hian theihna sang tak nei mah se India team-ah a tel har a, kum 2021 khan ram tan khel ṭan chauhin T20-ah hming a chher hle. Nikum bikah SKY hian innings 31-ah 1164 runs a siam a, a strike rate pawh 187.43 ni phain chawhrualin 46.56 runs siam ang a ni.

Nikum November thla khan T20 batter ranking-ah number 1 a ni a, kum 2022 chhung khan six vawi 68 hlap chhuakin kum khat chhunga T20-a six vaw hnem ber a ni hial a ni.