Inter School taekwondo championship an hawng

Mizoram Amatuer Taekwondo Association leh Sports & Youth Services Department buatsaih - 5th Inter School Taekwondo Championship chu Electric Veng YMA Hall-ah nimin khan khelh ṭan a ni.

Inter School Taekwondo Championship hi kum 2009 khan MATA chuan a buatsaih ṭan a. Kum khat danah buatsaih a ni ṭhin, hri leng avang khan kum thum ngawt buatsaih theih lo a an awm hnuah kumin hian an buatsaih leh chiah.

Championship-ah hian inelna chi hnih - Kyorugi leh Speed Kicking inelna neih a ni dawn a. Primary school, middle school leh high school category a ṭhen a ni. Heng category tinah hian medal leh team trophy pek vek a ni ang.

Tun ṭum Inter School Championship-ah hian school 37 aṭangin naupang 200 chuang an inziak lut. Speed kicking inelnaah hian January 28, Inrinni thleng inziah luh theih a ni ang.