East Bengal laka hattrick siamtu Guarrotxena

Athletic Bilbao aṭanga inzir chhuak, FC Goa attacking midfielder Iker Guarrotxena chuan East Bengal lakah hattrick a siam a, Goan club hi Kolkata club lakah 4-2 in hnehna a chanpui.

Kum 30 mi Guarrotxena hian minute 23 chhungin hattrick a siam fel der a, minute 53-naah Brandon Fernandes chuan freekick hmangin mawi zetin a khung bawk.

Mikhual team East Bengal hian goal li ngawt an chhuah hnuah VP Suhair leh Sarthak Golui hmangin khung ve mah se, an harh a tlai hret a, an comeback zo ta chuang lo.

East Bengal tan Jerry Lalrinzuala leh Lalchungnunga ten inkhel bul ṭanin, FC Goa tan Ayush Chhetri chuan bul a ṭan bawk.

Goa-in hnehna an chan avangin, top three an inhlangkai a, East Bengal tan playoff khel turin thilmak a thlen a ngai tawh a, Pathianni zan dar 7:30-ah Kerala Blasters-in NorthEast United an hneh chuan playoff an khel thei lo chiang ang.