Rajasthan an insiamṭha thei dawn em?

Vawiin chawhnu dar 2:00 hian Rajasthan FC-in Trau an mikhual dawn. Rajasthan hian an match hnuhnung berah Churchill Brothers chu 5-0 zetin a hneh lo a, insiamṭhat an mamawh hle.

Rajasthan FC hian Lengpui tlangval Lalremsanga Fanai leh Lengpui tlangval Lalliansanga Renthlei te an awm a, an foreign striker Leonce Dodoz hi Aizawl FC leh Chanmari FC tana khel tawh a ni bawk. Rajasthan khingpui tur Trau hian December 20 khan Churchill lakah 6-1 in an tlawm ve tho.

Chutihrualin Trau hian Rajasthan hi an intum hmasak ṭumah 3-1 in an hneh a, table-ah erawh team pahnih hi point khat chauhin a dai dang thung. Manipur club hian match 12-na aṭangin point 19 an hmu a, Rajasthan hian khelh zat inangah point 18 an hmu thung.