Chak mamawh Bayern hmaah Frankfurt

Bayern Munich-in kum 2023-ah chak hmel an la hmu lo a, zanin dar 11:00 hian Allianz Arena-ah Eintracht Frankfurt an mikhual dawn. Bavarians-in result ṭha an neih miau loh avangin Julian Nagelsmann-a'n player a siksawi a ṭul ang.

Bundesliga champion lai Bayern hian kuminah RB Leipzig leh FC Cologne an hmachhawn tawh a, 1-1 ve vein an inhnehtawk. Bavarians hi an chesual chhunzawm a nih chuan an hnuaia awm Union Berlin, RB Leipzig, Einrtracht Frankfurt leh Borussia Dortmund ten champion beiseina an neih theih phah ang.

Bayern midfielder Leon Goretzka chu training-naah a inhliam a, inlan lo thei dinhmunah a ding. Dutch midfielder Ryan Gravenberch tan inlan theihna hun ṭha a ni ang a, match hnuhnung pahniha bench-a ṭhu Thomas Muller pawhin bul a ṭan thei bawk.

Germany leh Bayern star Jamal Musiala-a'n goal khung a harsat a, Nagelsmann-a'n German rawlthar talent nei ṭha hi a hahdamtir a rinawm. Eintracht Frankfurt erawhin player an thlak tam a rinawm lo a, Frankfurt hi World Cup-a France forward Randal Kolo Muani bakah Mario Gotze leh Daichi Kamada te khelhna an ni a, season thara Champions Leauge khelh tum an ni.