Fight Night-ah semifinal khel tur a hriat kim

GIG Motors Mizoram Fight Night 2023 quarterfinal chu January 28, Inrinni khan MIZBA Boxing Hall, Ramhlun Sports Complex-ah khelh zawh a ni. Semifinal aṭangin Dawrpui Multipurpose Centre-ah khelh a ni dawn.

Fight Night-ah hian mipa boxer 116 leh hmeichhe boxer 25 te an inbuk a, an vai hian boxer 141 an tel. Mipa inelna hi category panga flyweight (48-52), featherweight (52-57), lightweight (57-63), welterweight (63-69) leh light heavyweight (75+) ah te ṭhen a ni a, hmeichhe inelna hi category pathum flyweight (51 kg below), featherweight (57 kg below) leh lightweight and above (60 kg) ah te ṭhen a ni.

Semifinal khel tur boxer-te hi February 2, Ningani hian Millennium Centre kawtah an inbuk ang. February 14 leh 16, 2023-ah semifinal khelh a ni ang a, final hi February 8, Nilaini zanah neih tur a ni.