Asangtea tan silver medal

UTT National Rank-ing Table Tennis Championship-ah H. Lalruatsanga (Asangte) chuan silver medal a dawng. Mizo rawlthar hi Youth U-17 Boys Singles huangah a inlan a, final-ah chak lo mah se India camp a awm turin a tling ta tho.

Mission Venghtlang rawlthar Asangtea hian qualifying round-ah a bi tum pahnih a hneh a, chumi hnuah first round khelin Tamil Nadal lam mi G. Nithish chu 3-1 in a hneh.

Dey Rajdit (Bengal A) leh Rajkhowa Roy (Assam) te 3-0 ve vea a sawp hnuin, quarter final-ah Muthiu Rajasekar (Tamil Nadu) chu 4-3 in a hneh. A thiam zual pali chin awmna - semifinal-ah Kushal Chopda (Maharastra) 4-3 in a hneh zui a, final-ah erawh Bengal player A. Battacharjee lakah 4-1 in a chak lo.