Inter School Taekwondo inelna an zo

30th January, 2023

A vawi nga nana buatsaih Mizoram Inter School Taekwondo Championship chu Inrinni khan zawh fel a ni.

Electric Veng YMA Hall-a inelna neihah hian primary inelna huangah Exodus English School leh Kelvin School te an champion.

St. Lawrence School leh St.Mary’s School te middle school inelna huangah chak berin, high school inelnaah Mamawii High School leh Mount Carmel School te an champion bawk a ni.

Inter School Championship-ah hian district hrang hrang aṭangin school 57 an tel a, zirlai 471 telin an zinga 105 chu hmeichhia an ni.