Ibrahimovic-a'n record a siam

AC Milan-in Inrinni zan khan an mual San Siro-ah Cagliari 3-0 in an hneh a, Zlatan Ibrahimovic-a'n goal khungin record a siam.

Milan tan hian Ibrahimovic bakah Ragnar Klavan leh Samu Castillejo ten goal an khung. Kum 38 mi Ibrahimovic hian Serie A match 18 aṭangin goal 10 a khung a, goal 10 emaw a aia tam khung thei upa ber a ni. Ibrahimovic hian kum 60 chuang record ding tawh Silvio Piola siam a khum. Lazio, Torino, Juventus leh Italy star hlui Piola hian kum 38 leh ni 127 mi niin kum 1950 khan goal 10 a khung tling a, Zlatan hi kum 38 leh ni 302 mi a ni thung.

Serie-A a 10+ goal khung thei upa-te

#    Hming    Kum

1    Zlatan Ibrahimovic    Kum 38 leh ni 302

2    Silvio Piola    Kum 38 leh ni 127

3    Peitro Ferraris    Kum 38 leh ni 103

4    Luca Toni    Kum 37 leh ni 279

5    Fabio Quagliarella    Kum 37 leh ni 162