SKY-a'n India a chakpui

India chuan Pathianni zan khan an mikhual New Zealand chu wicket rukin an hneh a, T20 match hnih an khelh tawhah 1-1 in an inhnehtawk. Match hnuhnung ber hi February 1, Nilaini zan dar 7:00 hian Narendra Modi Stadium-ah an khel ang.

New Zealand-in bat hmasak an thlang a, over 20-ah 99/8 runs chauh an siam. Men in Blue tan target awlsam tia sawi theih a ni a, awlsam taka chak thei tura ngaih an ni.

Amaherawhchu beisei ang ngawtin thil a thleng lo. New Zealand bowler-ten an vawm ṭhat avangin over tawp berah run ruk siam a la ngai a, ball hnih chauh a awm tawh tihin run thum siam a la ngai.

Hun pawimawhah T20 batter ranking-a number 1 Suryakumar Yadav-a danglamna a rawn lang a, SKY (26* runs) hian four runs vaw chhuakin ball khat dah bangin India hian 101/4 runs siamin hnehna an chang.