AIFF D Diploma Certificate Course an ṭan

31st January, 2023

All India Football Federation 'D' Certificate Coaching Course chu nimin khan Kolasib-ah an ṭan a, Kolasib Sports Stadium-ah MFA joint secretary C. Vanlalmawia'n a hawng.

Course Instructor hi Shakti Singh (AIFF Instructor) a ni a, Danny Lalduhawma chu Assistant Instructor a ni thung. Certificate Course hi February 4, Inrinniah an zo ang.

Tun ṭum Certificate Course-ah Mizo footballer langsar Jeje Lalpekhlua, Lalrindika Ralte, Lalchhuanmawia Fanai, Zohmingliana Ralte, Lalramchullova, C. Lallawmzuala, F. Lalrinpuia leh Lalnunmawia te an tel a, Chhinga Veng coach Lalremruata pawh a tel a ni.