Gokulam-in champion beiseina chhi nung

Pathianni zan I League inkhelah Gokulam Kerala chuan Kenkre 1-0 in an hneh a, Kerala club hian match 13-ah point 24 hmuin champion beiseina an chhi nung. Gokulam hi champion lai an ni a, match kua khelh tur an la neih avangin champion beiseina kawng a la inhawng zau hle.

EMS Stadium-ah Gokulam tan Spanish striker Sergio Mendigutxia-a'n minute 21-naah goal awmchhun a khung. Minute 56-naah Rahul Raju hnawhchhuah a nih avangin Gokulam Kerala player 10-in an khel a, mualneitu hian an goal neih an hum hram.

Mizo club Aizawl FC chu panganaah an awm mek a, February 1, Nilaini hian Real Kashmir an hmachhawn dawn.