Hero U17 champion CFA

Hero Under-17 Youth Cup final chu nimin khan khelh a ni a, final hmuhnawm takah Classic Football Academy chuan 2-0 a Sudeva Delhi FC hnehin champion nomawi an chawi.

Imphal, Manipur-a hmunpui nei Classic FA tan Khullakpam Zahir Khan chuan minute 14-na lekah goal hmahruai khungin, minute 27-naah Gogocha Chungkham chuan a khung ve leh bawk - hun tawp thlenga goal dang lut loin, Manipur lam chhuak Academy hi an champion a ni.

Hero Under-17 Youth Cup hi team 49 zetin an hmachhawn a, group 10-ah ṭhen hran niin, group pakuaah team panga zelin an awm a, group H-ah team pali an awm thung.

Group tina hmahruaitu ṭheuhin last 16 lutin, pahnihna ti ṭha zual paruk an lut bawk a, Mizoramin team thawh kan nei ve lo.