Aizawl FC inkhelh hun an sawn

Vawiin hi I League-ah Aizawl FC leh Real Kashmir inkhelh hun tur a ni a, amaherawhchu Kashmir-ah vur a tlak nasat avangin inkhelh hun an sawn. An inkhelh theih loh avangin Mizo club hi an rawn let lehnghal a, nimin tlai khan Aizawl an rawn thleng.

AFC hian February 9, Ningani hian RG Stadium-ah Rajasthan FC an hmachhawn dawn a, inkhelh hun an sawn avangin chawlh hun an ngah hret dawn a ni.