Old Trafford-ah United Vs Forest

Zanin dar 1:30 hian Old Trafford-ah Manchester United leh Nottingham Forest ten League Cup semifinal second leg an khel dawn. Erik Ten Hag-a hoten hian first leg-ah 3-0 a hnehna an chan tawh avangin final lut turin an dinhmun a ṭha hle.

Man United hian Jose Mourinho hnuaia League Cup leh Europa League nomawi an chawi hnuah inelna lian thamah an la champion leh lo a, kum nga chhung chu nomawi an chawi tawh lo.

Kar liam ta khan Man United hian FA Cup-ah Reading an hneh a, Dutch manager Ten Hag-a'n player ṭha a luhtir. Tun kartawp hian Red Devils hian kumina point an hlohna Crystal Palace an hmachhawn lehnghal dawn a, Dutch manager hian squad siksawina tur player a kawl a, thutlukna a siam ngam ang em tih chu hunin a hril ang.

Forest erawh an dinhmun ṭha lo a, harsatna belhchhah turin midfielder Morgan Gibbs-White a inhliam a; Taiwo Awoniyi (ṭhal), Giulian Biancone (khup) leh Cheikhou Kouyate (malpui) te an la inhliam a, keeper Dean Henderson an chhawr thei dawn lo. Jack Colback leh Ryan Yates te damloh avangin an dinhmun lo a, chutihrualin FA Cup-a an tlak hma avangin kartawp an awl a, Man United aiin inpuahchahna hun an nei ṭha hret.