US Open khelh an la beisei reng

16th May, 2020

United States Tennis Association (USTA) chuan hun harsa tak tawk mah se New York khawpuiah ngei US Open khelh theih an la beisei a, inelna hi a hun pangngaia khelh tumin hma an la chhunzawm zel.

US hi coronavirus kai leh thihpui an tamna ber a ni; an ram chhungah pawh New York chu hri kai an tam zualna hmun niin, he kawpuiah hian August 31 aṭanga September 13 chhung hian tennis inelna lian hi neih an tum.

Mi ṭhenkhat chuan US Open hi ṭhulh emaw, a hun sawn emaw a ngaih an rin thu an sawi fo. Mahse tun thleng chuan USTA hi an dinhmun ngaiah an la ding, tournament thupuangtu Chris Widmaier chuan, “Kan thil tum a la pangngai reng.

“Rawtna leh sawiselna tam tak a awm a, chung karah chuan tennis hmangaihtute au rawl pawh kan hria. Keini chuan kan ram leh tennis dinhmun thlir chungin a

ṭha ber tura kan ngaiah thu kan ti tlu ang,” tiin a sawi.