Referee Developement Course an ṭan

MFA Referee Develop-ment Course chu January 31, Thawhlehni khan khan Ramhlun Sports Complex-ah an ṭan a, MFA sr vice president PC Vanlalhruaia'n a hawng. Course instructor hi Laldawngliana, MFA Referee HoD a ni.

He Course ah hian Aizawl, Mamit, Kolasib leh Serchhip District atangin Referee 44 an tel. MFA Referee Development Course hi Lunglei leh Khawzawlah buatsaih a ni leh dawn.

Lungleiah February 7-10, 2023 chhung hian Lunglei, Hnahthial, Siaha leh Lawngtlai District tan buatsaih a ni ang. Khawzawlah February 21-24, 2023 hian Khawzawl, Saitual leh Champhai District te tan buatsaih tumin ruahmanna siam a ni bawk.