Cameroon captain hlui Tataw a thi

FIFA World Cup 1990-a Cameroon captain Stephen Tataw chu kum 57 mi niin a thi a, Cameroonian club ṭha Tonnerre Yaounde leh Olympic Mvolye tana khel ṭhin Tataw thih chhan hi tarlan a ni lo. World Cup 1990-a Cameroon-in quarterfinal an luh ṭum khan a hunlaia team ṭha  Argentina, Romania leh Colombia-te an hneh a, African ram zinga World Cup-a a thiam pariat zinga tel hmasa ber dinhmun an luah. 

Cameroon tan vawi 63 inlana goal thum khungtu Tataw hian World Cup 1994-ah pawh Cameroon captain niin football khawvela inelna ngaihhlut hlawh ber hi a khel a, mahse first round-ah an tla thung. Japanese club Tosu Futures-a a career hmang zotu Tataw hi Mvolye tana a khelh laiin 1992 Cameroonian Cup final an khelh dawnin ralthuam nena inthuam mi paliin an sawisa a, mahse inkhel hmana damin a team tan penalty a hlawh chhuak a, an champion zui.