Ferrari-ah Carlos Sainz a lut

16th May, 2020

Formula 1 team hlun Ferrari chuan 2021 aṭanga an car khalh turin Carlos Sainz an lalut a, tun season tawp ruala chhuak tur Sebastian Vettel hmun ruak a luah dawn a ni.

McLaren chuan an driver ni lai Sainz chu Ferrari-ah a chuak dawn tih an hriat khan Renault aṭangin Daniel Ricciardo chu an lo lalut fel der tawh bawk a, world champion vawi li ni tawh Vettel chhuak tur chuan nghawng a nei kual thui hle.

Spanish tlangval Sainz hi kum 25 mi a ni a, a teammate tur Charles Leclerc chu kum 22 mi a ni thung; tun hnai kum 50 chhunga Ferrari-in driver an neih pahnih kum belhkhawm a naupan ber ṭum a ni ang.