Zaninah Mayor's Cup draw

Zanin dar 7:00 hian Aizawl Day 2023 puala buatsaih Mayors Cup Inter Ward Football Tournament chu Chanmari YMA Hall-ah fixtures pawh a ni dawn a, Aizawl Day 2023 lawmna kickoff a ni nghal bawk ang.

Mayor's Cup hi AMC Ward-te inelna tur a ni a, tun ṭum inelnaah hian Ward 19-te an tel thei vek dawn a, knockout hmangin RG Stadium-ah khelh a ni ang. Semifinal aṭangin zana khelh tum a ni.

Aizawl Day 2023 lawmna Kick Off-ah hian AMC mayor Lalrinenga Sailo chu khuallian a ni dawn a, Aizawl mayor hian Aizawl Day lawmna leh Mayor's Cup hi a kickoff nghal ang.

Football inelna hi AMC leh Aizawl DFA ṭangkawpin an buatsaih a ni a, fixture pawh hi Aizawl DFA sr vice president Vanlalrawna'n a buaipui ang.