Mizo weightlifting team zin chhuak

India ram huap inelna - 5th Khelo Youth Games, Madhya Pradesh-a neih mekah Mizoram aṭangin weightlifting team an kal dawn a, vawiin hian inelna neihna tur hmun Indore an pan ang.

Weightlifting hi February 6-10 chhunga neih tur niin, coach Malsawma Khiangte leh manager R. Zorinsangi te chuan player pali an feh chhuah pui dawn a, medal la phak tura beisei an ni.

Malsawma Khiangte hian tun hmain Jeremy Lalrinnunga pawh a lo chher chhuak tawh, tunah hian tualchhung naupang ṭhenkhat a zirtir leh mek, a chher hriam lai zingah Silvan Beihrothatlo telin, ani hian Khelo India hnuhnungah khan medal a la.