Zaninah boxing hmawr bawk

Boxer 103 inelna Mahindra Maxx Pikup Mizoram Open Boxing Championship chu zanin hian a hmawr bawk a ni dawn. Weight hrang pariat - hmeichhia pathum leh mipa pangaah final khel a ni ang.

Inelna hi Serchhip Boxing Hall-ah neih a ni a, mipa weight hrang 10-ah Mizoram hmun hrang hrang aṭangin boxer 90 an tel a, hmeichhia weight hrang pasarih awm tura ruahman a nih laiin pangaah mi 13 an tel.

Kg 60 chung lama tel tumin Asian silver medal latu Lalbuatsaihi a inbuk a, a khelhna tur weight-ah mi dang an awm loh avangin a inlan thei ta lo a ni.

Ningani zanah weight hrang pasarih - hmeichhia pin, lightfly, fly leh bantam weight bakah mipa light-welter, welter leh lightheavy weight final zawh fel a ni.

Serchhip District Boxing Association chuan 42nd Assam Rifles thawh-puiin Boxing Hall-ah boxer 88 thlengin, ei leh in an tumsak vek a; naupang leh weight zang lam tel lova boxer 100 chuang an inlan thei chu an beisei phak bak a nih thu an sawi.

Assam Rifles lamin box-er ṭha bik an chhin-chhiah a, hna pek emaw inzirna ṭha zawk an neih zui theihna tur emawa hma lakpui an tum. LPS Vision-in LPS 1-ah live-in inhnek zawng zawng a pe chhuak ṭhin a ni.