Palace-in United an chelh nawn thei ang em?

Crystal Palace-in January thla laihawl khan Manchester United an mikhual a, Partick Vieira hoten Erik Ten Hag-a hote chak tluang lai an titawp. Zanin dar 8:30 hian Man United-in Eagles hi an mikhual leh thung dawn a, chetsual nawn an tum lo ang.

Man United-in League Cup-a Nottingham Forest an hneh ṭumin Christian Eriksen a inhliam a, Danish midfielder hi April thla tawp lamah a rawn kir dawn chauh avangin transfer tawp niah Bayern Munich aṭangin Marcel Sabitzer chu loan hmangin an lalut.

Sabitzer hian training a zawm tawh a, inhliam vanga Diogo Dalot pawhin training a zawm tawh bawk. Dalot hi inhliam vangin World Cup hnua a la inlan tam lo.

League Cup-ah Jadon

Sancho leh Anthony Martial te an rawn kir a, Ten Hag-a'n player chhawr tur a ngah leh tawh hle. Man United hi inelna palia an la dam vek avangin match khelh tur an ngah a, manager player siksawi thiam a pawimawh dawn.

Eagles hmachhawn tur

squad-ah player thar Sabitzer a tel dawn a, chutihrualin Marcus Rashford leh Bruno Fernandes ten goal nawr kawngah hmun pawimawh an chang.