Bayern an chak thei ang em?

Bundesliga champion lai Bayern Munich-in kumin bika league match vawi thum an khelh tawhah chak hmel an la hmu lo. Chutihrualin DFB Pokal-ah Bavarians hian Mainz chu 4-0 in an sawp a, player thar Joao Cancelo a inlan nghal bawk.

February 5, Pathianni hian Bayern Munich-in Volkswagen Arena-ah Wolfsburg an tlawh dawn a, Cancelo awm hnua harhtharna hi a rintlak em tih fiahin a awm ang. Julian Nagelsmann hote hian match hnuhnung pathuma point kua hmuh theih aṭanga point thum chauh an hmuh avangin an hnuaia awm Union Berlin, RB Leipzig leh Borussia Dortmund ten an hnaih tawh a, chetsual a thiang tawh lo.