Hruaitluanga a chak zo lo

Khelo India Youth Games khelh mekah Mizo boxer Lalhruaitluanga chu nimin khan semifinal-ah a chak zo lo a, Haryana boxer Ashish lakah a tlawm - a hneh loh boxer hi Youth World Championship 2022, Spain-a neih ṭuma silver medalist a ni.

Model Veng, Hnahthial boxer Hruaitluanga hi 51-54 kg huangah a inlan a, hnehna chang zo lo mah se Army Sports Institute, Pune-ah awm tura sawmna a dawng. Hruaitluanga hi class X exam hmabak a nih avangin exam a hmachhawn phawt ang a, hemi zawhah hian ASI hi a zawm ang.

Khelo India-ah Mizoramin boxer pali a tir a, mipa pahnih leh hmeichhe pahnih kalin, Hruaitluanga hi semifinal thleng awmchhun a ni a, bronze medal-ah lungawi a zir mai a ṭul ta a ni.