FFP rules bawhchhiaah Manchester City an puh

Manchester City chu kum kaw chhungin financial fair play rules 100 chuang bawhchhiaa puh an ni a, thiam loh an chang a nih chuan point paih bakah league aṭanga paih hial pawh a thleng thei a ni.

FFP dan bawhchhia Man City hi Premier League club an ni a, anni hian a chhui chiangtu tur bik ruaiin 2009-10 leh 2017-18 seasons chhunga thil thlen dan chu kum li chhung an zir chiang.

Premier League chuan Man City-in an sum lakluh (sponsor telin) leh an club enkawlna kawnga an sum hman dan dik tak an tarlan loh thu a sawi. City hian Roberto Mancini-a'n a enkawl lai 2009-10 leh 2012-13 chhung khan manager hlawh an tarlan kim thu an ziak bawk.

City hi 2015-16, 2016-17 leh 2017-18 season khan Premier League-a 'profit and sustainability' dan bawhchhia puh an ni a; 2013-14 season bakah 2014-15 leh 2017-18 inkar khan UEFA hnuaia dan 'club licensing and financial fair play' bawhchhiaa puh an ni bawk.

February 2020 khan UEFA chuan Europe inelna kum hnih chhung tel lo turin an lo hrem tawh a, amaherawhchu hemi kum vek hian July thlaah infiamnaa thuneitu sang ber Court of Arbitration for Sport chuan an hremna hi an sutsak.

Abu Dhabi United Group chuan kum 2008 khan Man City hi an lei a, nikum khan a vawi ruk nan Premier League nomawi an chawi. English club hian Arab sum mawm an chawm hnuah Champions League an la chawi lo a, England-a nomawi chawi theih ang chu an chawi vek tawh a ni.