Mizoram volleyball team an tlang lo

India rama volleyball thuneitu sang Volleyball Federation of India hnuaia inelna - 71th Senior National Volleyball Championship for Men & Women neih laiah, Mizoram team chuan knock out stage an lut phak lo.

Nabin Chandra Bardoloi Indoor Stadium, Guwahati, Assam-ah inelna hi neih a ni. Mizoram hi pool D-ah awmin, a thlengtu Assam bakah Telangana leh Uttar Pradesh te an hneh a, senior huanga Mizoramin hnehna a chan vawi khatna a ni hial.

Mahse, Mizoram hian pool match dangah Jhar-khand leh Uttarakhand an hneh lo thung a, ṭum thum lai chak mah se vawi hnih an tlawm avangin round sang zawk an lut phak ta lo a ni.