Mayors Cup fixtures a chhuak

Aizawl Day 2023 puala buatsaih Mayors Cup - Inter Ward Football Tournament fixtures chu February 3, Zirtawpni zan khan Chanmari YMA Hall-ah pawh a ni a, final khel tur thlengin tihfel nghal a ni.

Mayor's Cup hi AMC Ward-te inelna tur a ni a, tun ṭum inelnaah hian Ward 19-te an tel thei vek dawn a, knockout hmangin RG Stadium-ah khelh a ni ang. Semifinal aṭangin zana khelh tura ruahman an ni a, final hi February 24, Zirtawpni zanah khelh a ni ang.

Ward 19 an awm avangin team 13-in last 16 an lut nghal a, team paruk dangin first round aṭangin an khel ṭan dawn. First round hi ni khatah khelh zawh vek a ni dawn a, February 10, Zirtawpni hian khelh ṭan tur a ni.