Bengaluru-in Bagan an barakhaih

Season bul ṭan ṭha lo tak Bengaluru an insiamṭha zel - a zawna league match nga an chakna ni turin Pathianni zan khan ATK Mohun Bagan chu 2-1 in an hneh.

Bengaluru tan hian Javi Hernandez chuan minute 77-naah goal hmahruai a khung a, Roy Krishna chuan 90+1-ah a belhchhah ve bawk - Bagan tan 90+3-a Dimitri Petratos goal khungin awmzia a nei phak lo.

Bangalore club-in hnehna an chan avangin playoff khelh beiseina an nei ve leh ta - tun season ISL-ah hian kalphung thlak hret a ni a, season danga top four chinin an khelh ṭhin playoff chu top six chinin an khel dawn.

Knockout 1-ah table-a pathumna leh parukna an inkhel ang a, knockout 2-ah palina leh pangana an intawng dawn thung - inkhel pahniha chak zawk hian semifinal an lut ang a, league hmahruaitu leh pahnihna ten semifinal-ah hian an lo nghak ve leh dawn a ni.